صديق لي تحصل على قبول من Lancaster University
ويرغب في الحصول على معلومات عن المدينة :
من حيث عدد السعوديين
والجامعة
ومعاهد اللغة
والمراكز الإسلامية
والحياة بشكل عام هناك
علما أني بحثت في الموقع وكانت المعلومات عنها قليلة .
هلا اخوي سليمان,
والله مثل ما سمعت من بعض الاخوان ان المدينة جدددددددا كائيبه وصغيره..
ومره, انا شخصيا سألت مشرفي البريطاني الجنسيه (في مرحلة الماجستير) عن المدينة لاني كنت ناوي اكمل الدكتوراه هناك وقالي بالحرف الواحد "it's the most depressing place and rains all the time."
فمادري, اذا انت ناوي ماجستير, فممكن تتحمل دراسة سنه..ولكن, اذا بتكمل دكتوراه, اعتقد راح تتعب كثيييييير في هذي المدينة.
وبالتوفيق
أشكر لكم حضوركم :
الحقيقة القبول لأحد أصدقائي في تخصص دقيق
في الحاسب الآلي لدراسة الماجيستير ولم يجد هذا
التخصص إلا في هذه الجامعة وأخرى لم يصله قبولها
وعرضت عليه أن يدرس اللغة في مدينة والماستر
الله يعينه على لانكستر .
اخوي سليمان,
اقولك, ليش ما يدرس لغه او presessional في لانكستر الان..
منها, يتعرف على جو الحياتي للمدينة وفي نفس الوقت ياخذ فكره عن الاسلوب الاكاديمي للجامعة..
وخلال فترة دراسة اللغة, الافضل انه يعمل رحلات قصيره كل اسبوعين اثناء الاجازه الاسبوعية الى اي جامعة يرغب الالتحاق بها ليتعرف شخصيا على ما يناسبه , "المشاهد بالعين ليس كسماع بالاذن"..
ومن المميزات في بريطانيا, ان البلد صغير والتنقل بين المدن سهل جددددا..
السلام عليكم اخوي سليمان :
انا حبيت اعطيك معلومات عن المدينة لان عندي قبول فيها على اكتوبر القادم لكن راح احاول تاجيل قبولي للسنة القادمة لاني راح ادرس لغة سنة ثانية لان الشرط عالي شوي ولذلك احتاج الى دراسة لغة اكثر بس قبل ما اعطيك اي معلومة عندي عتب على الشباب بهالمنتدى لاني كتبت قبل كذا استفسار عن هالمدينة او اي احد يعرف فيها احد لكن وللأسف مارد على موضوعي الا واحد فقط ما ادري ليه .ا...
لكن المهم
انا طلعت للمدينة وشفتها هي صغيرة جدا ومافيها سعوديين الا على ماسمعت شخص واحد فقط يدرس دكتوراة وكان فيها واحد لكنه طلع منها لجامعة اخرى ما ادري وش السبب .....
المدينة قائمة على الكاثدرالية يعني الشعب اللي فيها كلهم مسيحين وانا اخذت جولة فيها كنت انا وزميلي نتحدى بعض عن اول واحد يشوف شخص اسمر اللون كل الشعب ابيض بابيض .
اما بالنسبة للمعاهد
الجامعة مافيها معهد لغة اما بالنسبة للمدينة فيها معهدين لغة رحت لواحد منها يقولون انه هو الافضل كنت ناوي ادخله لكن قالوا لي ماعندهم كورسات اكاديمية فقط جنرال .
اما بالنسبة للجامعه
فالجامعه قوية جدا وماعندهم تهاون لاني رحت لقسمي وسالتهم تخفيض الشرط قالوا لي بالحرف الواحد ترى الكورس صعب جدا ولابد تجيب درجة اللغة المطلوبة والا اعذرنا ماراح نقبلك . بس الجامعة مبانيها حلوة ومبناها خارج المدينة بس ماهي بعيدة مره .
اما بالنسبة للجو
فانا جيتها قبل ثلاث اسابيع الجو كان في بريطانيا كلها ممتاز لكن في الشتاء ماادري عنه
اذا حبيت تستسفر عن اي معلومات اضافية تقدر ترجع لموضوعي على هالرابط وتتواصل معي اذا اردت
أنا جالس أجمع معلومات عن الماستر في الحاسب الآلي. المهم راسلت أكثر الجامعات. بالطبع هم ردوا علي. وكان من ضمن ما جاء في سياق الرد ما يلي:
, but please note that only very high grades from Saudi Arabia are acceptable for admission to a Masters course at Lancaster University and if you would like advice before applying, please send a copy of your transcript.
السلام عليك اخوي walee2001d,
العذر والسموحه منك, وما احد راح يلومك على العتب لانه من حقك انك تطالب اي شخص عنده معلومه مفيده ان يضعها في هذا المنتدى المميز لتعم الفائده للجميع..
وصدقي ما كان عندي علم عن موضوعك السابق..
بالنسبة للمراكز الاسلامية والمحلات التجارية الاسلامية فهي خالية منها وعلى ماسمعت مافيها الا مصلى واحد في الجامعه ومافيها مسلمين واجد بس يقولون فيها جالية ماليزية هذا اللي سمعت عنها.
اقرب مدينة كبيرة لها هي مانشستر وتبعد عنها حوالي الساعة او الساعة والنصف بس فيه مدينة قريبة منها حوالي عشرين دقيقة فيها مسلمين ومصليات ومحلات اسلامية وحلال وفيها جالية هندية او باكستانية - لست متاكد - ويقال لها برستون ...
اما الجامعة فانا معك فهي قوية وماعندها تساهل ابداً وهذي احسن صفات المدينة ....
السلام عليكم .. أبغى أدرس في جامعة لانكستر في سبتمبر القادم إن شاء الله لكن ودي أعرف أسعار البيوت تقريبا ويكون بيت معي جار واحد ليس مثل البيوت الي مع بعض .. بارك الله فيكم
على حسب بحثي عن الشقق هناك وجدت ان اسعارها مقارنه بالجنوب رخيصه مره يعني لو تبي تاخذ شقه مكونه من غرفتين تحصلها ماتتعدا السبع ميه ( ترى الشقق جديده )
بس انا ابي استفسر منك الله يخليك انا الصراحه ادور لي فتره عن تخصص ماحصلته الا بجامعة لانكستر ومادري وش وضع الجامعة ووضع المدينه يعن من ناحية العرب والسعوديين ومن ناحية المساجد ومن ناحية المعاهد الاكاديميه لأني بحثت ومع الاسف حصلت انه مافيه معهد اكاديمي هناك بس كل المواضيع الي مكتوبه عن لانكستر قديمه شوي ومادري اذا فيه تطورات والا لا.
وشكراً
من يعطينا فكره عن المدينه والجامعه وهل الجامعه فيها PRESSISSIONAL COURSE .وكم الدرجه المطلوبه للدخول ومتى يبدا وكيف وضع قسم الهندسه ماستر
...... لو سمحتوا
النمط الخطي
